PASEO RECREATIVO POLA
RÍA DE MUROS E NOIA

Saída de medio día ou de día completo para coñecer, dende o mar, as principais vilas mariñeiras, praias e pintorescos portos pesqueiros da coñecida como Ría da Estrela. Ademais das vilas de Muros e Noia, coñeceremos tamén o Castro de Baroña, Porto do Son, Portosín, A Ponte Nafonso, Esteiro e o Faro e a Praia de Louro.

VISITA AOS BANCOS
MARISQUEIROS

Esta saída, de medio día ou de día completo, ten como principal obxectivo amosar o traballo dos mariscadores e mariscadoras para a extracción da ameixa e o berberecho de Noia. Tras coñecer dende o mar os bancos marisqueiros e observar o proceso de recolección, degustaremos ademais empanada de berberechos de Noia, o produto gastronómico tradicional por excelencia do municipio.

PESCA DEPORTIVA

Esta actividade realizase normalmente a partir das primeiras horas da mañá, ou xa no atardecer. Introducirémonos na ría para a práctica da pesca deportiva, para o que poderedes utilizar as vosas propias canas ou o material do que dispoñemos no complexo. Desprazarémonos aos mellores puntos para realizar as capturas, que só as persoas locais coñecemos. O itinerario pode ter unha duración de medio día, aproximadamente 4 horas, ou de día completo, facendo unha comida lixeira na embarcación.